Johannesburg - Izakhamizi zaseKhutsong zikhala ngokuhogela iphunga elibi kulandela ukuvuza nokuqhuma kwamapayipi endle emgwaqeni emningi yelokishi elibagulisayo.
Lezi zakhamizi zithi le ndle ehcithekeile iyingozi.
Ngesont eledlule abephephandaba iSowetan bavakashela eloskishini -EXT 3 okuyisigceme esisha eKhutsong, ithimbalabona izitamukoko ezintathu egcekeni lomuzi womuntu zonke ziqhumile.
OLUNYE UDABA: Indle igcwele umgwaqo
Omunye wezakahmuzi ongathokozile uMama Kgophotha uthi akasazi kukangaphi uMasipala waseMeafong befika bezolungisa amapayipi egcekeni lakwakhe.
" Izingane emgwaqeni zingibiza ngoNksz Sh*t ngenxa yezikubona kwenzeka egcekeni lakwami. Lesi sitamukoko sesineminyaka saqhuma. Abakwamasipala sebefike kaningi kanti bebekhona ngoLwesine futhi.
URetshidisitswe Sebotswa ohlala ngakwaKgophotha naye ukhala ngombonakalo osudalwe yilokhu kuqhuma kwezitamukoko osekwenze ukuba akhe kabusha umjondolo wakhe.
Kuqhume izitamukoko ezintathu ezisegcekeni lakwakhe kanti ukungcola kudlula amasentemitha ambalwa nomjondolo wakhe.
Lo monakalo usuka kwakhe uyodlula enkulisa yopmphakathi ungene kweminye imigwaqo eseduze.
"Le inkinga esibhekana nayo zonke izinsuku. Ingxenye yempilo yami. Sengiphile iminyaka ngilwa le ndaba yezitamukoko.
"Iphunga libi kakhulu ngihlezi ngiphathwa yikhanda.
"Sengayeka ukukhala kanti sengikhethe ukuba ngiyeke nokuvota.
"Kungani kufanele ngivote ekubeni ngihogela indle? Konke ukudla engikuphekayo kuyanuka. Kuba kubi kakhulu ehlobo nasentwasahlobo. Lezi zikhukhula zendle zigcine zigcwele emjondolo wami. Ubani ongahlala nale nkinga? Kungani bengayilungisi," kubiza uSebotswa.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
