Durban – Kushone abesilisa ababili ngemuva kokuba ‘behlasele’umshayeli webhayisikili ngeSonto.
Ngokusho komthombo, umshayeli webhayisikili uthi uhlaselwe amadoda angawazi, abezama ukumbamba inkunzi ngeSonto emgwaqeni obheke eGiba Gorge Mountain Bike Park, ngaku-N3.
Uphoqwe ukuba ame ngasebhulohweni, ngesikhathi bedonsa ibhayisikili lakhe, ubagwaze ngommese bobabili.
Funda nalolu daba: Kudutshulwe iphoyisa nomsolwa kuphangwa
Okhulumela amaphoyisa uLieutenant-Colonel Shooz Magudulela, ukuqinisekisile ukuthi umlisa ubike isigameko esiteshini samaphoyisa aseMariannhill.
UMagudulela ngesikhathi befika endaweni yesigameko, bathole oyedwa wabasolwa eseshonile enenxeba lokugwazwa.
UMagudulela uthi omunye ushonele esibhedlela ngakusasa, kubika iDaily News.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
