Durban - UDawn Thandeka King odlala indawo kaLindiwe Xulu emdlalweni kalabonakude uZalo olutshengisa ku-SABC1 uzobe eshiyelana inkundla nezimbongi ekhonsathini yakhe ezobe iseRivertown eBeerhall eThekwini kule nyanga.
NgokweSolezwe le khonsathi ebizwa nge-Up Close & Personal with Dawn Thandeka King izobe ingomhlaka-26 Agasti lo mlingisi uzobe ephumela obala ngemicabango nangezinkolelo zakhe.
OLUNYE UDABA: OwoZalo ubonge intombi echithe naye ubusuku esibhedlela
UDawn uthando lomculo luwubizo oluqhamuke eseyisangoma.
Lo mlingisi akagcini ngokulingisi nokucula kodwa uphinde abe semkhakheni wamahlaya njengoba esebonakale ehlekisa noThenjiwe Mosley kumavideo asenkundleni yezokuxhumana iFacebook neYouTube.
Lo mlingisi useke walingisa emafilimini ambalwa, iBlack Silence, Untitled neyesihloko esithi Hleziphi. UDawn ngendlela anekhono ngayo uphinde ajike nalapha emdansweni iWaltz.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
