Ubanjwe ezama ukuzibulala ophindiswe ekilasini elingemuva

Johannesburg - Ubanjwe esezama ukuzibulala umfundi waseSiphondwe High School, eMboza eJozini, enyakatho-mpumalanga yeKwaZulu-Natal, obephase uGrade 10 emuva kwalokho watshelwa esesekilasini kwaGrade 11 - eseqalile ukufunda - ukuthi kwenzeke iphutha akaphasanga, kumele aphindele emuva, kubika iphephandaba ILANGA.

Kuyimanje lo mfundi onguNkanyiso Mpontshane, 19, usehlale egadwe ngamalunga omndeni wakhe ngenxa yokwesaba ukuthi angase azenzakalise.

Kuvela ukuthi uphoxekile kwazise uthisha wakhe umtshele phambi kwezingane afunda nazo ukuthi kwenzeke iphutha wanikwa imiphumela ekhomba ukuthi uphasile ebe efeyilile.

Kuduma amakhanda emndenini wakhe, kawazi ukuthi kumele wenzenjani ukumsiza njengoba othisha bengayingeni eyokuxoxa nawo ngephutha abalenzile.

ILANGA likhulume noMnu Philani Mthembu ongumfowabo omdala kaNkanyiso, oveze ukuthi selokhu etshelwe lokhu akasadli, uhlala ezivalele egunjini lakhe ekhala - useke wazama nokuzibulala.

"Sijabulile ngonyaka ophelile ingane ibuya nemiphumela ekhomba ukuthi iphasile, umama waze wahlaba inkukhu ejabula. Kuvulwa izikole sithenge umfaniswano wesikole nezincwadi zekilasi ebesazi ukuthi uphasele lona," kusho uMnu Mthembu.

Uthi ngeledlule uNkanyiso ubuye esikoleni wabatshela ukuthi uthisha wakhe ucele ukubona imiphumela yakhe yangonyaka ophelile ngoba kunephutha elenzekile.

Uthi ngakusasa uNkanyiso uhambise imiphumela yakhe kuthisha wakhe ofike wayithatha wambuyisela isishitshiwe, isikhomba ukuthi ufeyilile.

Kuthe uma ebuza ngemiphumela amnika yona, wamtshela ukuthi kwenzeke iphutha bamnike imiphumela okungasiyona eyakhe yena akaphumelelanga.

UMnu Mthembu uthi ibadumazile indlela abasebenza ngayo labo thisha ngoba le nto bekumele bayixoxe nomzali wengane.

Uthi unina uvukele esikoleni eyothola kabanzi ukuthi iphutha lenzeke kanjani, wafike wathola ubunzima unogada emnqabela ukuthi angene esangweni lesikole.

OLUNYE UDABA: Inkosikazi icikwe ithuna lomyeni yalimba

Uthi kusize ukuthi unina azehlise, ancenge ukuze akwazi ukungena abonane nothishanhloko wesikole.

Nakhona esefikile esikoleni akazange ayithole incazelo ecacile ukuthi lenzeke kanjani iphutha, uthisha ubengasabonwa esekhuluma nothishanhloko kuphela.

"Nakhona lapho uthishanhloko ukhombise ukungabinalo uzwelo uma etshelwa ukuthi ingane ihlukumezekile ngento abayenze kuyona, isizame nokuzibulala. Uthishanhloko uvele wama ngelokuthi ngeke kusashintsha lutho izobuyela kwaGrade 10 ngoba kayiphasanga," kusho uMnu Mthembu.

Okhulumela uMnyango WezeMfundo KwaZulu-Natal, uMnu Muzi Mahlambi, uzwakalise ukudumala okukhulu ngalolu daba wathembisa ukuthi uMnyango uzongenelela.

Uthi bazoxhumana nabahloli ukuze bathola kabanzi ngalolu daba.

"Uma kwenzeke iphutha ngomuntu kuba nemixhantela eminingi engemihle, lokho kungayikhubaza impilo yayo yonke ingane noma silahlekelwe yimpilo yayo ngephutha ebelingalungiseka. Lokhu abakwenzile kuwubudedengu obukhulu," kusho uMnu Mahlambi.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When planning for the Black Friday sales do you:
Please select an option Oops! Something went wrong, please try again later.
Results
Save, research and plan ahead, preparing to make the most of it?
8% - 905 votes
Wait and see what looks like a good deal on the day?
14% - 1700 votes
Have no interest in spending more money this year?
78% - 9354 votes
Vote
ZAR/USD
15.20
(+0.94)
ZAR/GBP
20.31
(+0.89)
ZAR/EUR
18.06
(+0.82)
ZAR/AUD
11.18
(+0.32)
ZAR/JPY
0.15
(+1.11)
Gold
1807.84
(-1.55)
Silver
23.30
(-0.92)
Platinum
957.00
(+3.34)
Brent Crude
45.51
(+2.15)
Palladium
2341.00
(+0.48)
All Share
57761.92
(+1.08)
Top 40
53049.43
(+1.09)
Financial 15
11674.99
(+2.97)
Industrial 25
80126.12
(+0.26)
Resource 10
52568.48
(+1.54)
All JSE data delayed by at least 15 minutes morningstar logo