Ufisa abezepolitiki bafunde kosomatekisi

Kokstad - IMeya yomkhandlu uBuhlebezwe ephinda ibe umholi we-ANC esifundeni saseHarry Gwala eningizimu yesifundazwe iKwaZulu-Natal, uZamo Nxumalo ufisa sengathi ubuholi bezombusazwe kuleli bungafunda lukhulu kubuholi bemboni yamatekisi iSantaco endaweni yakhe eXobho. 

UNxumalo ukusho lokhu emuva komcimbi wokunikela ngenyufomu ezinganeni zezikole zesifunda saseHarry Gwala obubanjelwe eHighflats ngoLwesine,  lapho ubuholi obudala beSantaco  nabo bebuyingxenye yomcimbi bubambisene nobuholi obusha. 

"Kungithinte kakhulu ukubona indlela osomatekisi bendawo yethu ababumbene ngayo ngangakwazi nokuzibamba njengoba nathi singosopolitiki kufanele sikufunde lokhu kokuthi uma usukhishiwe esikhundleni sepolitiki, qhubeka usebenzele inhlangano ungavele unyamalale kumbe usebenzele ukuxova inhlangano," kusho uNxumalo.

 OLUNYE UDABA:Ushisa phansi umbango wamapulazi ka-R45m

Ukusho lokhu nje isifunda sakhe iHarry Gwala singesinye esihamba phambili ngokubulawa kosopolitiki esifundazweni saKwaZulu Natali ekusolwa ukuthi basocongwa ngenxa yezigameko ezisondelene nezombangazwe. 

Kulowo mcimbi bekukhona nalowo awayengu sihlalo weSantaco uMnuz David Kheswa naye ogqugquzele izingane ngezemfundo. 

Usihlalo weSantaco omusha uMnuz Benny Roberts uthe ziyamjabulisa kakhulu izincomo ezifana nalezi nokuthi ke udlame akuyona into elokhu isemqondweni wabo kepha bazifundisa ukuhlala phansi bakhulume. 

"Ngilokhu ngibatshela ukuthi noma singalwa sibulalane kodwa ekugcineni sizoxoxa sibuyisane, kungani singavele sixoxe kuphela sixazulule lokho okusixakile ngoba empeleni lana size ngokuzokwenza ibhizinisi hhayi ukuphaka impi," kusho uRoberts. 

Uthe iqhaza abalibambile lokugqugquzela imfundo ukusabela kwinkulumo kaMengameli njengoba wathi imfundo iyisisekelo sezwe elinekusasa eliqhakambile.




We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
As a child or as an adult, have you ever been a victim of bullying?
Please select an option Oops! Something went wrong, please try again later.
Results
Yes, at school
55% - 2015 votes
Yes, at work
17% - 619 votes
No, I've never experienced this
28% - 1032 votes
Vote
USD/ZAR
14.24
(-0.6)
GBP/ZAR
19.91
(+0.4)
EUR/ZAR
17.13
(-0.1)
AUD/ZAR
11.05
(-0.2)
JPY/ZAR
0.13
(+0.0)
Gold
1,771.33
(-0.3)
Silver
25.77
(-0.8)
Platinum
1,207.65
(+0.3)
Brent Crude
66.77
(-0.3)
Palladium
2,822.00
(+1.5)
All Share
68,094
(-0.9)
Top 40
62,326
(-0.9)
Financial 15
12,417
(-0.2)
Industrial 25
88,303
(-1.2)
Resource 10
69,786
(-0.8)
All JSE data delayed by at least 15 minutes Iress logo