10 Apr 2018

UGwede Mantashe uxolisile ngokungakhiwa kwesigcinamagugu sikaMadikizela-Mandela

Johannesburg - Usihlalo we-ANC uGwede Mantashe udlulise ukuxolisa kubantu baseBrandfort ngenxa yokuthi izinhlelo zokuguqula umuzi kaWinnie Madikizela-Mandela ubeyisigcinamagugu azikuphelelanga.

"Kuyiphutha ukuthi namanje asikakhiwa. Ngiyaxolisa. Abantu baseBrandfort sibakweleta isigcinamagugu lapha,” kusho uMantashe, ophinde abenguNgqongqoshe weziMbiwa phansi.

Ubekhuluma enkonzweni yokukhumbula uMadikizela-Mandela ebibanjelwe eBrandfort ngoMsombuluko ntambama.

OLUNYE UDABA: Usebhace kubangani okamaskandi

UMadikizela-Mandela udlule emhlabeni ngo-Epreli 2 eMilpark Hospital ngemuva kokugula isikhathi eside. Ubeneminyaka engu-81 ubudala.

UMnyango wezamaCiko namaSiko wabeka eceleni imali yokwakha isigcinamagubu eminyakeni eyishumi eyedlule, kodwa akukho osekwenziwe namanje.

UMadikizela-Mandela wayehlala kule ndlu ngesikhathi esekudingisweni eFree State ngo-1977.

Indlu yanikezwa izingane zakhe, uZindzi noZenani.

We live in a world where facts and fiction get blurred

In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.

Subscribe to News24