Unogada omkhulu kaZuma ezinsolweni zokugwazelwa

Johannesburg – Unogada omkhulu kaMengameli Jacob Zuma nophinde abeyiNhloko yophiko oluqapha uMengameli, iPresidential Protection Service (PPS) wathola imali enkulu enkampanini ehlinzeka ngamalambu aluhlaza lolu phiko ukuze athenge indlu endaweni yomtakabani.

INews24 kanye neScorpio sebengakudalula ukuthi uPhineas Manthata, nongumnikazi wenkampani i-Instrumentation for Traffic Law Enforcement (ITLE), ngo-2012 walekelela ngemali engu-R700 000 ngesikhathi uMajor-General Muzingaye Mxolisi Dladla kanye nalowo owayengowakwakhe ngaleso sikhathi bethenga indlu endaweni yomacaphunakusale eBlue Valley, eMidrand, eGauteng.

Inkampani kaManthata iyona inkampani enkulu ehlinzeka ngamalambu akuhlaza kanye neminye imikhiqizo ehambelana namalambu aluhlaza inqwaba yezimpiko (units) ezihlukene zeSouth African Police Service (SAPS), okuhlanganisa nalolu phiko lukaDladla. I-PPS iyona ebhekene nomsebenzi wokuvikela uMengameli Jacob Zuma, kanti uDladla uthathwa njengomuntu osekunesikhathi esondelene kakhulu noZuma.

UDladla kanye nalowo owayeyisinqandamathe sakhe, uMogotladi Mogano, noyisikhulu eHhovisi likaMengameli, bathenga lo muzi ngo-R3.2 million ngoJulayi 2012, ngokwamarekhodi obunikazi bezindlu.

OLUNYE UDABA: Ama-#GuptaLeaks ayifake ehlazweni elikhulu i-ANC - Mkhize

Lezi zithandani zathola imalimboleko yasebhange ka-R2.72 million, nokusho ukuthi kwakufanele zikhokhe imali yesibambiso (deposit engu-R480 000 ukuze lolu hlelo lokuthengwa kwendlu luzophumelela.

UDladla kanye noMogano kwakuzomele baphinde babe nomunye u-R240 000 wezindleko zokuthengwa komuzi kanye nezinye izindleko, ngokusho kwezibalo zenkampani ehamba phambili edayisa ngezindlu. Sekuhlanganiswe konke, lokhu kusho ukuthi lezi zithandani bezizoshoda ngemali engu-R720 000.

INews24 itholile ukuthi uManthata uyena owabe esetakula lo mndeni ngokuthi akhokhe ngokwakhe imali engu-R700 000 ukuze ukuthengwa kwale ndlu kuzoba yimpumelelo.

UManthata, ekhulunyelwa ummeli wakhe, ukuphikile ukuthi kukhona into engalungile ayenza, kodwa wanqaba ukuphendula imibuzo ngemininingwane ethinta lokhu kuthengwa kwendlu.

I-SAPS, uDladla kanye noMogano bonke bahlulekile ukuphendula imibuzo emayelana nalokhu kuthengwa kwendlu.

Kodwa-ke okhumela amaphoyisa, uMajor-General Sally De Beer, ukuqinisekisile ukuthi inkampani kaManthata yayisohlwini lwezinkampani ezibhalisiwe ukuthi zinhlinzeke iSAPS ngezidingo. Uthi kodwa ayikho inkontileka ekhona njengamanje nale nkampani.

Bobabili uDe Beer kanye nozakwabo, uBrigadier Vishnu Naidoo, banqabile ukuphendula imibuzo ngokuthi yimalini esisetshenziswe yiSAPS emikhiqizweni ethengwe enkampanini kaManthata.

Funda udaba oluphelele lapha.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
Who do you think is going to win the 2020 US election?
Please select an option Oops! Something went wrong, please try again later.
Results
Biden is going to take it
46% - 5193 votes
It's four more years for Trump
54% - 6161 votes
Vote
ZAR/USD
16.54
(-0.22)
ZAR/GBP
21.38
(+0.04)
ZAR/EUR
19.54
(-0.57)
ZAR/AUD
11.62
(+0.22)
ZAR/JPY
0.16
(+0.05)
Gold
1902.03
(-0.03)
Silver
24.50
(+4.78)
Platinum
863.00
(+1.11)
Brent Crude
42.85
(-0.67)
Palladium
2336.18
(+0.75)
All Share
55143.04
(-0.03)
Top 40
50739.21
(-0.01)
Financial 15
9936.10
(-0.42)
Industrial 25
75698.49
(+1.25)
Resource 10
53367.13
(-1.41)
All JSE data delayed by at least 15 minutes morningstar logo