16 Aug 2016

Uyagwetshwa ubaba owashaya usana, lwagcina ngokushona

Jeanette Chabalala, News24

Cape Town – U-Eugene Plaatjies, owalahlwa yicala lokushaya ingane yakhe enezinyanga ezintathu izelwe, yagcina ngokushona, uzogwetshwa yiNkantolo eNkulu yaseWestern Cape.

Le ndoda yaseMontagu yalahlwa amacala okubulala, ukungayinakekeli ingane nokushaya ngenhloso yokulimaza, ngo-Ephreli.

Umama wale ngane, uLouise Alkaster, wathola isigwebo seminyaka emihlanu esilengisiwe ngemuva kokuvuma icala lokungayinakekeli ingane.

OLUNYE UDABA: Ugwetshiwe owabulala ingane ngoba izimoshele

Ngesikhathi evela enkantolo, usonhlalakahle uCharlene Demas wethula ubufakazi wathi uPlaatjies, 24, wayengakholwa ukuthi usana lwakhe lushonile.

Ummangalelwa wayelokhu eliphike njalo icala kwaze kwaba liyamlahla, ngenxa yalokhu uDemas wathi uPlaatjies kumfanele ukuya ejele.

Ukuhlolwa kwesidumbu ngo-2014 kwaveza ukuthi le ngane yayinezibazi eziningi zokulimala emzimbeni, okubalwa nokuklayeka kogebhezi lwekhanda.

We live in a world where facts and fiction get blurred

In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.

Subscribe to News24