Cape Town – Uzogqunywa esitokisini kuze kube uphindele enkantolo ngasekupheleni kwale nyanga owesilisa osolwa ngokubulala umfana, 6, eJan Kempdorp.
Ummangalelwa uvele enkantolo ngecala lokubulala.
Usolwa ngokubulala uKutlwano Garesape ngokumgwaza ngebhodlela eliphukile.
Kuthiwa lo mfanyana wayezama ukuvikela umama wakhe ngesikhathi ummangalelwa ezama ukumdlwengula.
OLUNYE UDABA: Kubulawe umfana phambi komndeni
Okhulumela amaphoyisa u-Olebogeng Tawana uthe: "Ummangalelwa uvele enkantolo yemantshi wabekwa icala lokubulala.
“Uzobuyela enkantolo ngomhlaka-22 Agasti, uzogcinwa esitokisini kuze kube uphindela ankantolo.”
Umama walo mfana uthi le ndoda yabahlasela ngoLwesihlanu ephelezela izingane zakhe ziya esikoleni.
