25 Aug 2016

Zimkhalele umfundi ofike esikoleni ephethe isibhamu

Johannesburg – Uvele enkantolo umfundi, 19, wase-Alexandra, eGoli, kulandela ukutholakala nesibhamu esingekho emthethweni, kusho amaphoyisa aseGauteng.

Okhulumela amaphoyisa uLieutenant Colonel Lungelo Dlamini uthe lo mfana uboshwe kulandela ukuthola ucingo olubabikela ngokuthi ukhombe omunye umfundi ngalesi sibhamu, kubika i-African News Agency.

Kube sekubizwa amaphoyisa, isibhamu satholakala esikhwameni sakhe sisekole.

OLUNYE UDABA: Zimkhalele umfana owenza uGrade 10 otholakale nesibhamu

“Kuthe uma ebuzwa ngalesi sibhamu wathi ngesikababa wakhe. Amaphoyisa azophenya ngaphansi kweFirearms Control Act ukuze kutholakale ukuthi ngabe lo baba ukulungele na ukuphatha isibhamu,” kusho uDlamini.

Kwesinye isigameko, kuboshwe abasolwa abangu-12 abatholakale nezibhamu ezingekho emthethweni eBenoni, Cleveland, Dobsonville, Midrand, Etwatwa, Roodepoort nase-Ennerdale ngoLwesibili.

Laba baboshwe ngesikhathi amaphoyisa ephume inqina enza umzungezo owejwayelekile.

We live in a world where facts and fiction get blurred

In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.

Subscribe to News24