Sesihlonziwe isisulu 'samazimuzimu' ase-Estcourt

accreditation

Pietermaritzburg - Izinsalela zezicubu zomuntu ezatholakala emzini wenyanga yase-Estcourt zihlonzwe njengezesakhamuzi saseShayamoya, uZanele Hlatshwayo.

Amaphoyisa abopha amadoda ayisithupha kulandela ukutholakala kwengalo nomlenze okwatholakala lapho kuhlala khona inyanga, uNino Mbatha, ngenyanga eyedlule.

UMbatha, 32, uSithembiso Sithole, 31, Lindokuhle Masondo, 32, Lungisani Magubane, 30, Khayelihle Lamula, 32, noNhlakanipho Shabalala, 25, basolwla ngokubulala uHlatshwayo base beyamudla.

Laba bavele eNkantolo yeMantshi yase-Estcourt ngoLwesibili ngamacala okubulala kanye nokwakha itulo lokubulala.

Bakhethe ukungasifaki isicelo sebheyili kanti bazobuyela enkantolo ngomhlaka-28 Septhemba.

OLUNYE UDABA: Bazogqunywa esitokisini ababhekene 'nelokudla izicubu zomuntu'

Udadewabo kaHlatshwayo, uLiziwe, watshela iThe Witness ngokwedlule ukuthi uZanele wagcina ukubonakala ngomhlaka-25 Julayi esuka kubo eyovakashela ugogo wakhe eMgungundlovu.

Umzala kaZanele, uNozipho Hlatshwayo, uthi uZanele "wayengabaza" ukuya eMgungundlovu kulandela ukuzwa umyalezo owawuzungeza kuWhatsApp mayelana nokuthunjwa kwabantu besifazane nezingane.

Kwathi uma uLiziwe noNozipho bezwa ngemibiko "yamazimuzimu" ase-Estcourt, bathinta amaphoyisa ase abayalela ukuba beze esiteshini.

Bafike bahlonza izingubo uZanele asuka ekhaya ezigqokile, ezazigcwele igazi. Amaphoyisa kwadingeka ukuthi alinde imiphumela yolibofuzo ukuqinisekisa ukuthi ngempela izicubu zomzimba ezatholakala ngezikamufi.

Imiphumela ibuye iqinisekisa ukuthi nebala umufi nguZanele.


We live in a world where facts and fiction get blurred
In times of uncertainty you need journalism you can trust. For 14 free days, you can have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today. Thereafter you will be billed R75 per month. You can cancel anytime and if you cancel within 14 days you won't be billed. 
Subscribe to News24
Daily Poll
Many countries that closed their borders due to the Covid-19 pandemic are now welcoming tourists again. Are you comfortable travelling to other countries yet?
Please select an option Oops! Something went wrong, please try again later.
Results
I only travel for work
9% - 5 votes
Yes, I’m okay with travelling internationally now
55% - 32 votes
I don’t plan on travelling internationally until Covid is over
36% - 21 votes
Vote

E-Editions

Read the digital editions of Witness here.
Read now