Copenhagen – Uhulumeni waseDenmark ubeke isamba semali elinganiselwa
ku-$2milion ukusiza labo abahlukunyezwa yiqembu lamavikelambuso iBoko
Haram eNigeria.
UNgqongqoshe
wezangaPhandle eDenmark uMogens Jensen uthe izwe lakhe likwenza lokhu
ngokuzwelana nemindeni eyahlukumezeka njengoba befuna ukubanikeza izimpahla
zokugqoka, ukudla, indawo yokuhlala nokuthi bakwazi ukubhekana nesimo sempilo
ngemuva kokuhlukumezeka.
OLUNYE UDABA: Kusolwa iBoko Haram ngokuthunjwa kwabangu-100
UJensen
ngoLwesine uthe isigameko sakamuva sokubulawa kwabantu abangu-100 eNigeria
sesenze ukuhlala kwangaba lula ezindaweni ezisemakhaya kuleli lizwe nasemazweni
angomakhelwane okubalwa kuwo iChad, Niger neCameroon.
Uthe le mali
izodluliselwa kwabeRed Cross nakwiNhlangano yeZizwe ukuze bayisabalalise
ngendlela efanele.
IBoko Haram ihlalise abantu baseNigeria lubhojozi njengoba
ihlasela ibulale abantu ikakhulukazi labo abazinze enyakatho yaleli lizwe.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
