Johannesburg - IMeya kaMasipala waseKgetlengrivier, uKim Medupe, uvele ngaphambi kwenkantolo mayelana necala lokushaya, kusho umbiko wamaphoyisa aseNorth West.
Uvele ngaphambi kweNkantolo kaMantshi waseKoster, icala lakhe lahlehlela umhlaka-12 Mashi, kusho okhulumela amaphoyisa uSabata Mokgwabone.
Izinsolo zithi uMedupe, 39, washaya owesifazane oneminyaka engu-33, ubudala.
Isehlakalo senzeka eReagile, ngoMgqibelo.
"Kukholakala ukuthi owesifazane wafakwa emotweni kammangalelwa, wayiswa ndawana thize wafike washaywa, washiswa enqunu esigangeni," kusho ubufakazi obethulwe enkantolo.
UMedupe uvele nomunye umsolwa uDinah Moema, 36.
Ngokusho kwephephandaba iSowetan, ummangali uNthibang Tlhong, 33, usolwa ngokuba nobudlelwano nomyeni wemeya.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).
