Kugwazwe ojele abayisihlanu eW Cape

2015-01-22 16:00

Cape Town - Akucaci ukuthi ngabe sihlobene nosiko lwamaqembu ezigelekeqe yini isigameko sokugwazwa kojele abayisihlanu ejele iDrakenstein, ngasePaarl, ngoLwesine, kusho uMnyango wezokuHlunyeleliswa kweziMilo eWestern Cape.

“Kudingeke ukuthi ukhomishana aphuthume kuleli jele ngemuva kokuthi sifikelwe umbiko othi kugwazwe ojele,” kusho okhulumela uMnyango uSimphiwe Xako.

Labo jele kuthiwa balimele kabi, kanti omunye wabo ugwazwe esifubeni.

OLUNYE UDABA: Kugwazwe ujele ngethambo ePMB

UXako uthe uMnyango uyaphenya ukuthi ngabe lesi sigameko sihlobene yini nesasejele iBrandvlei, eWorcester, esenzeka ngoJanuwari 4.

Kuthiwa kulesi sigameko “kwakuchithwa igazi” njengoba kungumkhuba wamaqembu ezigelekeqe uma kukhona omusha ojoyina iqembu.

UXako uthi isiboshwa sashaya uLubabalo Mzamo ngesokisi elinengidi phakathi.

UMzamo wagcina ngokushona ngemuva kokuba sekhomeni izinsuku ezingu-10.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter