Durban – Uvele enkantolo ngecala lokuzama ukubulala owesifazane owaphosa
ingane yentombazane olwandle eNorth Beach eThekwini.
Ngokubika kweDaily News imiqulu eseNkantolo
yeMantshi eThekwini uNosipho Purity Ngubane waboshwa ngemuva kokuphosa le ngane
okukholwakala ukuthi ineminyaka emithathu noma emine olwandle ngeSonto.
Okhulumela amaphoyisa uMajor Thulani Zwane uthe kusamele kutholakale ukuthi
uNgubane unguyena uqobo yinina wengane.
OLUNYE UDABA:Kugwazane izithandani olwandle
Kubikwa ukuthi ngenhlanhla lengane yakwazi
ukusheshe ihlengwe isaphila njengoba kubikwa ukuthi isigcinwe ngosonhlalakahle.
“Sisaphenya ikheli likaNgubane njengoba
asitshela ukuthi ngowaseXobho.
Sifuna ukuthola umndeni noma izihlobo
azakhe ukuze sikwazi ukuphothula
uphenyo,” esho.
Leli cala ebelihleli ngoLwesithathu lihlehliselwe ekupheleni
kwale nyanga.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
