Kuphinde kwambhedela owadlisa ayethandana nabo ushevu

2015-01-09 12:37

Tokyo – Indoda yaseJapana, 88, eyalahlwa yicala lokudlisa ushevu abesifazane abayisihlanu ngoba isikhathele ukuba yisoka, inqatshelwe ukudlulisa isinqumo.

UMasaru Okunishi wagwetshwa isigwebo sentambo ngo-1972 kanti kumanje usalinde ukulengiswa.

Lona wesilisa wafaka umuthi wokubulala izinambuzane ewayinini kunephathi.

OLUNYE UDABA: Uyavela ophuzise umndeni ushevu

Lo mlimi waqale watshela amaphoyisa ukuthi wafakela unkosikazi wakhe neshende lakhe kuphela ushevu, ngoba esekhathele “ukuba yisoka”.

Kwabe sekushona nabanye besifazane abathathu, kwathi inqwaba yagula.

Kwathi ngokuhamba kwesikhathi, u-Okunishi washaya ingwiji wathi amaphoyisa amphoqa ukuba avume icala.

IJaji eNkantolo eNkulu yaseNagoya, uNobuyuki Kiguchi, unqabile ukuthi liqalwe phansi liqulwe icala lika-Okunishi.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter