Kushone owesilisa opitshizwe yiveni odakeni

2014-12-28 08:19

Johannesburg - Owesilisa ushone kabuhlungu ngemuva kokuba epitshizwe yiveni ebelibhajwe odakeni epulazini laseKameelfontein ePitoli ngokusho kwabosizo lokuqala.

Okhulumela abakwa-ER24 uRussel Meiring uthe lo mlisa ubesiza kutakulwe leli veni odakeni ngesikhathi lishelelela ligibela phezu kwakhe lampitshiza ngaphansi kodaka. 

OLUNYE UDABA: Amaphoyisa azama ukuhlonza isidumbu

Uthe ngesikhathi abosizo lokuqala befika kule ndawo yesigamek bafice lo mlisa obeneminyaka ekuma-30 ubudala ecindezelekile ngaphansi.

Uqhube wathi bekungasekho okuningi abosizo lokuqala abebesengakwenza ngenxa yokuthi ubelimele kakhulu  futhi eseshonile.

Iziphathimandla besezifikile endaweni yesigameko kanti uphenyo luyaqhubeka ngeminye iminingwane ngokushona kwakhe.

      - “Like” ikhasi lethu kuFacebook ukuze uthole izindaba ngolimi lwakho

 

          - Landela IzindabaNews24 kuTwitter