Johannesburg - UNgqongqoshe wezemiSebenzi yoMphakathi, ophinde abe yilungu lekomidi eliphezuku kwi-African National Congress, uCollins Chabane, usenxenxe amalungu eqembu elibusayo ukuthi avale igebe elishiywe yizikhulu eziphezulu ezisanda kudlula emhlabeni.
I-ANC ilahlekelwe nguNgqongqoshe wezeMfundo eLimpopo, uThembi Nwendamutswu, kwaba yisishoshovu uNelson Diale nowabe engumkhuzi wamasosha uGabriel Ramushwana.
Bonke laba bashone esikhathi esiyizinsuku ezinhlanu.
UChabane uthe isifundazwe sehlelwe yifu elimnyama, wathi kumele kusukunywe kuvuselelwe iqembu le-ANC.
UMengameli wezwe uJacob Zuma umemezele ukuthi uNwendamutswu athole umngcwabo osezingeni, ahlonishwe nguhulumeni ngokwesifundazwe.
Uzofihlwa emathuneni aseThohoyandou, ngoMgqibelo.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).
