Ababedlala kuBafana bazothungatha umqeqeshi omusha

2017-02-17 12:31

Cape Town – Izinkakha zeqembu lesizwe, iBafana Bafana, uLucas Radebe kanye noBenni McCarthy bayingxenye yekomiti elizosiza iSouth African Football Association (SAFA) ekuqokeni umqeqeshi omusha.

Phakathi kwabanye abayingxenye yaleli komiti kubalwa, uFarouk Khan, uButi Mathathe, u-Anna Nyman, uNeil Tovey kanye noSihlalo weTechnical Committee, uNatasha Tsichlas, nokuyibona abazokwenza uhlu olufinyeziwe bese bebheka ukuthi ubani ofanelwe wumsebenzi kakhulu kunabo bonke abafake izicelo.

Ngokwe-website yeSAFA, uMengameli walo soseshini, i-CEO kanye noSekela Mengameli, nabo bazohlala kuleli komiti ukuze babheke ukuthi uhlelo luhamba kanjani.

OLUNYE UDABA:Owaduba umsebenzi wePirates usazimisele ngokuqeqesha iBafana

URadebe wayengukaputeni weBafana Bafana kanti wake wagijima nakuLeeds United, nokwakuyiqembu elaliqinile ku-English Premiership.

Ngakolunye uhlangothi, uMcCarthy kusenguyena umgadli ohamba phambili ngokushaya amagoli kuBafana kanti usanda kuphothula nezincwadi zokuqeqesha, i-UEFA Pro A Coaching Licence.

IBafana ibilokhu ingenaye umqeqeshi kusukela kwaxoshwa owayengumqeqeshi, uShakes Mashaba, ngoDisemba kunyaka ka-2016.

NgoLwesine, iSAFA idalule kuTwitter amagama abanye babantu abafake izicelo zomsebenzi weBafana – kanti akukho noyedwa owalapha emzansi kubona.

Phakathi kwamanye amagama aqaphelekile, kubalwa elomqeqeshi ongowokudabuka eBelgium, uHugo Broos, nokunguyena obeqeqesha iCameroon njengoba ithuse abaningi ithatha isicoco se-Africa Cup of Nations kule nyanga.

Omunye oqaphelekile umqeqeshi ongowokudabuka ezweni i-Italy, uRoberto Mancini, noke waqeqesha iManchester City, egijima ku-English Premiership.

Abanye babaqeqeshi abagqamile yilaba:

Roberto Mancini, Giovanni Trapattoni, Hassan Shihata, Hugo Brooks, Samson Siasia, Lothar Mattheus, Bernd Schuster.

Leli yikomiti elizokhetha umqeqeshi omusha:

Benni McCarthy, Lucas Radebe, Farouk Khan, Clive Barker, Buti Mathathe, Neil Tovey, Natasha Tsichlas, Elvis Shishana, Dennis Mumble, Danny Jordaan.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.