AbakwaGupta sebedayise isiteshi i-ANN7 kanye nephephandaba i-The New Age

2017-08-21 11:03

Cape Town – Inkampani kaMzwanele Manyi isithenge izinkampani zezindaba zomndeni wakwaGupta, i- ANN7 (isiteshi sezindaba sikamabonakude) kanye ne-The New Age (iphephandaba), lokhu kumenyezelwe ngoMsombuluko.

Enkampani yabakwaGupta, i-Oakbay Investments, esitatimendeni ithe inkampani kaManyi, iLodidox, ithenge i-ANN7 (Infinity Media) ngo-R300m kanye ne-The New Age (TNA Media) ngo-R150m.

Lesi sivumelwano kulindeleke ukuba siphothulwe emasontweni ambalwa ezayo, ngokusho kwe-Oakbay.

OLUNYE UDABA: #GuptaLeaks: 'AmaGupta' ahlela ukuthenga amaphephandaba amakhulu kuleli

Lokhu kudayisa kwenzeka njengoba ibhange, iBank of Baroda, seliyeka ukusebenzisana nezinkampani zomndeni wakwaGupta, kanye nangemuva kokuthi amabhange amane aseNingizimu Afrika athatha isinqumo sokuthi angabe esasebenzisana namabhizinisi alo mndeni ngonyaka ka-2016.

“Lokhu kudayisa kuyingxenye yokuzibophezela kwe-Oakbay  ekuvikeleni imisebenzi kanye nokunikeza isiqiniseko kubasebenzi abangaphezu kuka-7 500 abasebenza kanzima enkampanini kanye nokuvikela umongo wokubaluleka kwebhizinisi abasebenza kulona.

“Ngaphansi komnikazi wamasheya onobuningi, i-Oakbay ikholwa ukuthi kokubili ibhizinisi kanye nabasebenzi bazoba nekusasa eliqhakazile futhi eliyimpumelelo nelibafanele. Lokhu kudayisa kuzophinde kuvulele abanikazi bamasheya isikhathi sokugxila ekugezeni igama labo phambi kwezinsolo ezingenasisekelo zabezindaba,” le nkampani isho kanjalo.

UManyi uthe: “Ngijabule ngokufinyelela esivumelwaneni ne-Oakbay futhi ngibheke phambili ekuphothuleni isivumelwano ngempemelelo.”

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.