Abantu abangalindeli ukuthi ngifane noMalema - Maine

2017-10-16 18:00

Tshwane – Umholi we-ANC Youth League (ANCYL) uCollen Maine uthi labo abagxeka indlela ahola ngayo lolu phiko bayehluleka ukuqonda izindlela eziningi ezikhona zokuhola umbutho.

Ekhuluma neNews24 ngesonto eledlule, ngaphambi kokuba kuphinde kube khona abazwakalisa ukuthi kumele ashenxe esikhundleni ngenxa yeminyaka yakhe yobudala, wathi vele akalindeleke ukuthi wonke umuntu amthande.

"Sihola uphiko ezikhathini lapho kukuningi okwenzekayo, kanti kwesinye isikhathi akubi lula," kusho uMaine.

Uthi kwesinye isikhathi kuke kwenzeke izinto ezikushiya ukhexile kuyona i-NEC ye-ANCYL.

OLUNYE UDABA: Amalungu e-ANCYL afuna 'ikhehla' elinguMaine lishenxe

"Ilungu le-NEC liyakwazi ukubhalela umholi wenhlangano incwadi evulelekile emphakathini. Umbuzo uthi, umisa kanjani esimweni esinjalo, uyalixosha ilungu noma uliqondisa izigwegwe?" kubuza uMaine.

UMaine uthe lolu phiko lunezimiso kanye nemithetho njengoba ilotshwe kumthethosisekelowayo - akekho onelungelo lokuzithathela izinqumo ezisusela ekhanda.

"UJulius Malema wayengumengameli ozikhulumelayo, bese kuba khona uNkanyezi [Malusi Gigaba] owayeyinto ehlukile kunoMalema, ngakho ngeke abantu balindele ukuthi nami ngizofana noMalema."

UMaine uthe uphiko luyazwela kakhulu njengoba i-ANC ingaphansi kwengcindezi.

"Ubuholi bethu bakhethwa ngesikhathi esinzima kakhulu," esho.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.