Abaphathi bacabanga ukudayisa iqembu le-PSL

2017-08-17 14:01

Johannesburg - IRoyal Bafokeng Holdings ikulungele ukudayisa iPlatinum Stars ngenxa yenselelo yezimali ebhekene nekilabhu – kodwa ngombandela wokuba iDikwena iyaqhubeka nokuzinza eRustenburg, eNorth West.

Usihlalo weDikwena, uCliff Ramoroa, uthe isizwe saBafokeng, eRustenburg, kanye nabanikazi bekilabhu, bacabanga izindlela ezahlukene zokuphatha ikilabhu.

Uthe ikilabhu bangayidayisa noma baqhamuke nenye indlela abaqhubeka ngayo nokuyiphatha.

Echaza uRamoroa uthe ikilabhu isazozinza khona lapha eRustenburg kanti nabalandeli ngeke baphazamisekele ngalutho ngoba basazoqhubeka nokuyibuka idlala eRoyal Bafokeng Stadium.

OLUNYE UDABA: UPitso ukhala ngokulaxazwa ngojoyine iPirates

“Uma sesifikile isikhathi sokuyidayisa, sizoyidayisela kuphela umuntu wasendaweni. Ngeke kubenoshintsho olutheni kubadlali, ithimba labaqeqeshi kanjalo nakwezinye izisebenzi.”

Uthe ikilabhu ingeyesizwe sasebukhosini baBafokeng, esithola imali ezimayini bese isetshenziselwa izidingo zomphakathi.

“Izwe libhekene nenselelo yezimali ngakho lokhu kulimaza wonke umuntu ezweni. Asivikelekile kulezi zinselelo zezimali, kunjalo nje,” kusho uRamora.

Uthe abekho abantu abaxoxisana nabo ngokuthenga ikilabhu okwamanje.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.