Akaneme neze uKomphela ngesibhaxu abasithole bekhishwa kowe-TKO

2017-11-19 09:10

eGoli - Umqeqeshi weKaizer Chiefs uSteve Komphela uhlafuna izipikili njengoba iqembu labo libhaxabulwe ngo-1-0 ngoMgqibelo enkundleni yaseBidvest.

Amakhosi abedlala neBidvest Wits, yona ebonga ubuhlakani bukaJames Keene uvulele ngegoli esiwombeni sokuqala nokube yilona goli losuku.

Ekhuluma nabeSuperSport TV uKomphela uthe: "Yebo asenzanga kahle neze ngesiwombe sokuqala futhi nokuthola kwethu ikhadi elibomvu kuvele kwabhedisa uhlelo."

OLUNYE UDABA:UHunt ugcwele ukuzethemba ngaphambi komdlalo wabo neChiefs

Uthi badlale kahle kakhulu ngesiwombe sesibili, bekhanda namathuba amahle kodwa ekugcineni bashweba.

Uthi kubuhlungu ukushaywa emidlalweni efana nalena, kodwa nakulokhu bafunde isifundo ngamaphutha abawenzile nokuyiwona abafake kwenkulu inkinga.

Ama-Clever Boys asedlulele kowamanqamu ku-Telkom Knockout.

Umqeqeshi wawo uGavin Hunt uncome ukuzimisela kwaMakhosi ngesiwombe sesibili yize sebeswele umdlali owodwa.

"Isiwombe sokuqala bekungesethu kodwa besinethezeke kakhulu sengathi asisafuni ukushaya elinye inqaku. Esiwombeni sesibili aMakhosi abuye ngezinkani esifaka ngaphansi kwenkulu ingcindezi.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.