Amanxeba asopha kobehambise izibizo ngengozi yebhasi

2017-05-18 19:30

Durban - Kuqaqamba inhliziyo avukwe yisibibithwane owesilisa waseBulwer, maphakathi neKwaZulu-Natal, obeqashe ibhasi eligingqike kwaNtunjambili eNkandla, maphakathi neKwaZulu-Natal, labhubhisa inqwaba yabantu ehambise izibizo ekhweni ngenyanga edlule uma echaza ngalolu daba.

UMbhidi Ngwadi, ongumyeni obeqashe ibhasi, uthi impilo inzima njengoba unina nodadewabo beshone kule ngozi, usesele nabafowabo abane abancane kunaye.

Ekhuluma neLANGA, uthe njalo uma ebuka izingubo zokulala namaphinifa abebeyombesa ngawo kuvele kwehle izinyembezi.

OLUNYE UDABA:Kushone 12 kwalimala 6 engozini yebhasi eNkandla e-KZN

"Noma sesiphindela ekhweni sesihambisa lezi zinto, ngeke kusafana nasekuqaleni, umama engasekho. Zintathu kuJuni sizobe sikhumula inzila ngokuhanjelwa ngumama, yilapho kumele sihlele khona ukuthi sizophinde sizihambise nini lezi zibizo zasekhweni ezigcwele indlu.

"Nalapho kangazi kuzokwenziwanjani ngoba sishonelwe saze sashonelwa nangudadewethu nezinye zezihlobo kule ngozi," kush uNgwadi.

Echaza ngokwenzekile ngosuku lwesigameko, uthi babehamba belindana nebhasi, yena nomzala wakhe behamba ngemoto encane. Uthi badlule eMgungundlovu bathathe ezinye izihlobo zabo, nazo zangena ebhasini kwaqhutshekwa nohambo, ibhasi lihamba phambili. Sebefika eKranskop ibhasi limile abantu bayozikhuluma, kumnandi kuculwa kungekho lutho olusolisayo.

"Sithe uma sisuka lapho, mina ngahamba phambili ngoba yimi engazi ekhweni lami, ibhasi besililandela eduze. Emajikeni aKwaNtunjambili bengithi ngisithela ngilibone seliqhamuka ibhasi kodwa kuleli jika lokugcina ngibone kudlula isikhathi eside lingaqhamuki.

"Ngiqhubekile saze salilinda emgwaqeni ojikela ekhweni. Ngibona kuthatha isikhathi eside lingasaqhamuki ngase ngijika ngiyolibheka. Kuthe ngisahlehla ngijika, kwangena ucingo lukadadewethu kodwa lushaywa ngomunye wesifazane ethi ibhasi selivelelwe yingozi.

"Uma sifika endaweni yesigameko, ngibona udadewethu ehleli ebhasini kodwa ngangabe ngisakhuluma naye ngoba abantu babekhala emahlashaneni angezansi becela usizo. Bengilokhu ngibadonsa ngibabuyisa emgwaqeni, umzala ubematasa efona ukuze kutholakale usizo.

"Ifikile i-ambulensi yabasiza abanye nemoto yezidumbu yafika yathatha abese beshonile. Kule ngozi kushone abantu abangu-12 endaweni yesigameko, abathathu bashonela esibhedlela," kuchaza uNgwadi.

Okhulumela amaphoyisa uLt-Colonel Thulani Zwane uthe akekho osaboshiwe ngalolu daba njengoba kusenziwa uphenyo.

Uthi kuzothi uma seluphothuliwe udaba bese luyiswa enkantolo okuyiyona ezonquma ukuthi umshayeli uyaboshwa noma cha.

- “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter

NEXT ON NEWS24X

AB praises selfless skipper

2010-11-21 18:15

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.