Amaphoyisa ashaqe izibhamu ezintathu konogada bodumo lwe-video

2017-09-08 16:00

Durban - Amaphoyisa aseshaqe izibhamu ezintathu enkampanini ebiqashe onogada ababili ukuba bavikele uNobhala we-ANC eThekwini, uBheki Ntuli.

Kulezi zibhamu, kubalwa izibhamu ezimbili ezivele kwi-video esuse umsindo ezinkundleni zokuxhumana. Kule video la madoda amabili abonakala ehlohla isibhamu i-AK-47 kanye nezinye ezahlukene, aphinde esabisa ngokubulala umuntu.

Azwakala ethuka inhlamba esho nokuthi kukhona ozolala emakhazeni.

OLUNYE UDABA:Baxoshiwe onogada ababonakala kwi-video besonga ngokubulala umuntu

Okhulumela amaphoyisa uJay Naicker uthe basebenzisana neNational Prosecuting Authority (NPA) kuleli cala.

"Lolu daba siluthathela phezulu, ngesikhathi i-video iqala ukuzungeza siqalise uphenyo sathola ukuthi ngobani abaku le video kanjalo nenkampani abayisebenzelayo. Sibe sesixhumana nenkampani yalabo nogada saxoxisana.

"Okwamanje sisashaqe izibhamu ezintathu. Sizophinde sisebenzisane na-NPA ukuze kuzohlanganiswa amacala okufanele babekwe wona. Izibhamu ezibonakala kwi-video ngezenkampani yonogada," kusho uNaicker.

Kamuva nje sekube nenqwaba yezigameko zokubulawa kosopolitiki KwaZulu-Natal, obekusetshenziswa kuzo izibhamu zohlobo lwe-AK-47.

Abezindaba i-eNCA bathe le video itshengiswe izikhulu zikaKhongolose KwaZulu-Natal, zathembisa ngokuphenya.

 - SABC


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.