Amaphoyisa athungatha isiboshwa esidedelwe ngephutha

2017-10-18 07:01

Modimolle - Amaphoyisa aseModimolle aphume umkhankaso wokuthungatha isiboshwa esidedelwe ngephutha ePitoli ngemuva kokukhokha ibheyili eyahlelwa ngomkhonyovu.

UJaco Opperman, 33, waboshwa eWitbank, eMpumalanga ngo-Agasti 2017 eboshwa abaseshi baseModimolle ngamacala okuqola abantu.

Okhulumela amaphoyisa uBragadier Motlapelo Mojapelo uthe kukholakala ukuthi lo msolwa wayefaka izikhangiso emaphepheni zokuthi udayisa ama-Buffalo wakhokhelwa izinkulungwane zamarandi ngamakhasimende ayefuna lezi zilwane.

Amakhasimende akhe aya emaphoyiseni ngemuva kokuthi lo mlisa anyamalala uma sebekhokhe imali yesibambiso.

Kwavulwa amacala amathathu enkohlakalo kanti amaphoyisa aphuma umkhankaso wokumthungatha aze ambamba.

OLUNYE UDABA:Owayedlala ku-PSL ubhadle ejele ngelokudlwengula

UMojapelo uthi u-Opperman wavela eNkantolo yeMantshi yaseModimolle ngomhlaka-20 Septhemba icala lakhe lahlehliswa, yena wayogqunywa esitokisini.

Lo msolwa wahanjiswa ePitoli nokuyilapho akhokha khona imali engu-R500 yebheyili yize engakaze anikezwe ibheyili ngesikhathi evela enkantolo okokuqala.

Kuze kwabonakala ngomhlaka-16 Okthoba nokungusuku obekumele avele ngalo enkantolo ukuthi usenyamalele.

Kuthiwa lo msolwa usevulelwe elinye icala lokweqa ejele.

Kubuye kwevulwa icala lokuphambana nengalo yomthetho kanye nokulekelela isigebengu seqe kuvulelwa imantshi kanye nephoyisa, okukholakala ukuthi yibona abamdedela.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.