Amaqembu ase-Europe agaqele isiqongqwane seDowns

2017-02-12 18:30

Durban – Kungase kube yisizini yokugcina kumdlali weMamelodi Sundowns oshisa bhe kulezi zinsuku njengoba kuvela ukuthi ufunwa uthuli ngamakilabhu ase-Europe.

UPercy Tau, 23, odlala esiswini kwiDowns uvutha engabaselwe kulezi zinsuku kangangoba usedonse iso lamakilabhu aphesheya kwezilwandle.

Iphephandaba ILANGA LangeSonto lihletshelwle ngumthombo walo ongaphakathi kwiDowns ukuthi kungase kube yisizini yokugcina lena uTau egijima kumaBrazilian njengoba kuvela ukuthi kunekilabhu yase-Europe exine kanzima iDowns ngalo mdlali.

Kuthiwa le kilabhu ifuna ukuthi basayine bavumelane manje neDowns kungaze kutheleke amanye amakilabhu kwazise isizwile ukuthi akhona amanye amfunayo khona e-Europe.

OLUNYE UDABA: IDown igaqele uPienaar – Umbiko

“UTau angase ahambe uma kuphela isizini ngoba kunekilabhu yase-Europe emfuna kabi kodwa ngeke ngikwazi ukukutshela igama layo okwamanje ngenxa yokuthi le kilabhu icele ukuba ifihlwe kuze kungaphazamiseki izinto ezithile.

“Yona ithembisa ukukhipha imali enhle ngalo mdlali kangangoba ifuna kusayinwe yonke into ngokushesha ukuze ingaphazamiseki,” kusho lo mthombo.

Leli phephandaba lithinta uThulani “TT” Thuswa wezokuxhumana kwiDowns ngalolu daba, uthe: “Uma udlalela ikilabhu enkulu njengeDowns akuthusi ukuthi ufunwe amaqembu ase-Europe.

“Uma sivumelana kahle, ngeke sime endleleni yalo mdlali.”

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.