Athi awayi ndawo amanesi axoshelwe ukuteleka

2018-04-19 11:05

Harare – Amanesi atelekile eZimbabwe, naxoshwe yiPhini likaMengameli uConstantino Shiwenga ngoLwesibili, ashaya phansi ngonyawo, athi awayi ndawo.

IZimbabwe Nurses’ Association (Zina), esitatimendeni esibhalele amalungu ayo angu-15 000, ithi yinto ekhulunywa emoyeni nje eyokuxoshwa kwabo, ngoba phela umqashi, iHealth Services Board, usenezinkontileka nabo.

Bathi abajiki kulokho abakutshele uhulumeni.

“Ngaleyo ndlela sazisa amanesi ukuthi akukho okusashintshile okwamanje mayelana nesiteleka esiqhubekayo,” kusho iZina.

OLUNYE UDABA: Kuxoshwe othisha abangu-71 ngokulala nabafundi

Amanesi ayakuphika ukuthi ukuthi uhulumeni uwanikezile abakufunayo.

Bathi imali engu-US$17,144,446 okuthiwa ifakwe nguhulumeni ukubhekana nezikhalazo zabo yinto engekho, le mali okukhulunywa ngayo yafakwa ngo-2010.

Amanesi angenele isiteleka ngoMsombuluko, ekhala ngezimo asebenzela ngaphansi kwazo, nangamaholo angcono.

- ANA

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.