Ayicaci eyecala okuthiwa livulelwe oweMabala Noise

2017-07-23 12:11

Durban - Ingena ezintangeni iMabala Noise ngecala ethi ilivulele uMhlo Gumede obengumxhumanisi wale nkampani nabezindaba, osolwa ngokukhwabanisa izimali kuyo.

Le nkampani isifonelwe izikhathi eziningana kucelwa inombolo yecala ethi ilivulele uMhlo kodwa iyenqaba ukuyidedela.

ILANGA LangeSonto lithole ngemithombo ukuthi uMhlo usesabise ngokuthi uzodalula izimfihlo zale nkampani uma ike yamvulela icala.

Umthombo uthi kakukho angakwazi uMhlo ngazo zonke izinto ezenzeka kule nkampani kwazise ubesondelene kakhulu noReggie Nkabinde ongumnikazi wayo.

"Uma ike yalivula icala iMabala Noise uthi ziningi izinto ezizohlala obala azozikhuluma ezenzeka kule nkampani," kusho umthombo.

Nokho umthombo uthi kakucaci ukuthi yini le uMhlo asabisa ngokuyiveza obala ngale nkampani ezakhele udumo ngokusayinisa inqwaba yabaculi esikhathini esifushane.

Izindaba zokufakwa ibhuzi kukaMhlo kule nkampani zivele ngeledlule. Ezinye izinsolo abekwa zona ngezokugwazisa abaculi abasafufusa, ebathembise ukubasayinisa izinkontileka zokuqopha ngaphansi kweMabala Noise.

USkhulile Nzuza oyiMenenja eMabala Noise ephendula ngalezi zinkulumo okuthiwa zenziwe nguGumede uthe: "Akaze asitshele lutho thina uMhlo futhi angikholwa nokuthi angakwazi ukuyimela leyo nto enjalo. Ukusisabisa kwakhe ngeke kusivimbe nakancane ukuba simvulele icala," kusho yena.

OLUNYE UDABA:Ugcine ekhonjwe indlela umsakazi woKhozi FM

Kuthe uma ecelwa inombolo yecala wathi umseshi ubayalele ukuba bangalinge bayinike abezindaba kuze kube nguye (umseshi) oshoyo. "Siyalelwe ukuthi sixhumana nabezindaba uma sekuphothulwe konke okufanele. Okwamanje sisafake isicelo sencwadi egunyaza ukuthi aboshwe," kusho yena.

USkhulile uphinde wala waphetha nokudalula isiteshi lapho kuvulwe khona icala, wala wenqaba futhi nokunika intatheli imininingwane yomseshi ukuze ikhulume naye.

IMabala Noise kuzokhumbuleka ukuthi isanda kukhomba indlela abanye babaculi abebesayinde ngaphansi kwayo okunguZandi Khumalo, uLetoya Makhene, uJ Spitter, uDJ Chynaman, uMbuzeni Mkhize ne-Victory Brothers. Ngaphambi kwalokho le nkampani ishiywe ngabaculi uRiky Rick noDJ Bongz.

Le nkampani ike yaba sematheni kuwo lo nyaka lapho ngesikhathi kuqubuka amahlebezi athi igwazele iMetro FM, ithenga izindondo zamaMetro FM Music Award. Lezo zinsolo zisuse okukhulu ukukhuluma kugxekwa le nkampani neSABC eyengamele iMetro.

ILANGA LangeSonto lizame kusukela ngesonto eledlule ukuthola uMhlo kumakhalekhukhwini wakhe ukuze aphawule kodwa wangatholakala. Ligcine selishayela nenkosikazi yakhe ucingo uZandile Gumede, kodwa lutho ukutholakala.   

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.