Ayikho indawo yababulali ku-ANC - Mkhize

2017-09-17 13:34

Umzimkhulu – Ayikho indawo yababulali kanye nezigebengu ku-ANC, kusho uMgcinimafa wenhlangano uZweli Mkhize ngoMgqibelo.

"Asikwazi ukuthi singalahlekelwa amaqabane ngale ndlela futhi iminwe iphinde ikhombe i-ANC. Kumele yonke into ihlale obala kuvezwe abenzi bokubi ukuze sithole ukuthi ikuphi inkinga. Kumele siqinisekise ukuthi asilahlekelwa amaqabane ngenxa yabantu abasebenzela izisu zabo,” esho.

UMkhize ubekhuluma emngcwabeni kalowo owayengunobhala we-ANCYL, uSindiso Magaqa.

UMagaqa ushonele esibhedlela esiseThekwini ngoMsombuluko owedlule kulandela ukudutshulwa ngomhlaka-13 Julayi ebuya emhlanganweni we-ANC eMzimkhulu.

Wayenamakhansela amabili esifazane ngesikhathi behlaselwa abantu abangaziwa e-Ibisi, okuyindawo eseduze kwakubo kaMagaqa.

OLUNYE UDABA: Umngani kaMagaqa ugeqe amagula emngcwabeni

Abaningi bakholelwa ekutheni wasocongwa ngoba ezama ukuveza obala inkohlakalo eyenzeka kuMasipala waseMzimkhulu, lapho ebeyikhansela khona.

UMkhize uphinde wagxeka “idlela esabekayo” amanye amalungu e-ANC asevikelwa ngayo kulezi zinsuku.

“Ngisho nabantu abajwayelekile nje abangezona izimeya noma ongqongqoshe sebenohide lonogada. Lokho kwenza izinto zibe zimbi kakhulu. Kumele sikulungise konke lokhu ukuze kuphele ukubulalana kwezombusazwe,” esho.

UMagaqa, 35, ungcwatshwe ngoMgqibelo kanti ushiya emhlabeni izingane zakhe ezine, unkosikazi nomama wakhe.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.