Bafundele emgwaqeni abafundi bebhikishela ukwakhelwa isikole

2017-02-17 18:00

Johannesburg - Bavale umgwaqo abafundi osekunesikhathi befuna ukwakhelwa amakilasi.

Abafundi abesebenentshisekelo yokuzwkalisa izikhalo zabo, bakhethe ukuyofundela emgwaqeni, bavala umgwaqo uR63 ophakathi kwase-Alice naseFort Beautfort, e-Eastern Cape ngoLwesithathu.

Abashayeli basale bemangele ngesikhathi abafundi besikole iMdeni Senior bevale umgwaqo, bebhikisha ngendlela engajwayelekile.

Zisabalale ngokushesha ezinkundleni zokuxhumana izithombe zabafundi nothisha abebebhikisha, ezithathwe ngomunye wabashayeli bezimoto ebevalelekile.

OLUNYE UDABA:Uhlakaziwe umbhikisho wabafundi KwaMashu

Umshayeli osabalalise lesi sithombe ubhale ukuthi: "Abafundi bangitshele udaba olubuhlungu lokuthi kudala babecela ukwakhelwa amakilasi ngoba bafundela ngaphansi kwezihlahla.

"Sebeye kabili emahhovisini oMnyango wezeMfundo emasontwenia ambili adlule kodwa bengasizakali."

IDaily Sun ithole ukuthi amalungu omphakathi avele aqonda kuNgqongqoshe wezeMfundo eyisiSekelo u-Angie Motshekga ngoba uMnyango esifundazweni uthatha isikhathi sawo ukuwakhela isikole.

UMnyango uthi wayikhipha imali yokwakhiwa kwesikole, nokho yashoda.

UMnyango waphinde wakhipha enye imali waze waqasha nomuntu ozowakha amakilasi kodwa kusolakala ukuthi umakhi kuthe eseqedile ukuwakha wawakhiya ngemuva kokuthola ukuthi angeke aze aholelwe ngoba lo msebenzi ubusaphenywa.

Okhulumela lo Mnyango e-Eastern Cape, uMalibongwe Mtima uthe umakhi akakhokhelwanga.

"Iziphathimandla seziyile esikoleni kanti abafundi sebeyafunda."

Okhulumela amaphoyisa uSiya Nontshinga uthe ngenxa kwakungesiwo umbhikisho onodlame, akuboshwanga muntu.

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter     

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.