Bagwetshiwe ababulala umfundisi becele u-lift kuyena eDundee

2018-03-21 13:51

Durban – Umfundisi weSalvation Army washona ngemuva kokuthatha amadoda amathathu ayecele i-lift kanti azomhlasela.

UVusumuzi Themba Mbhele,32, ugwetshwe iminyaka engu-20 ngelokubulala, engu-15 ngelokugebenga ngenhloso yokulimaza neminye engu-15 ngelinye icala elenzeka eDundee lokugebenga.

UNala Dlamini, 28, yena ugwetshwe iminyaka engu-13 ngelokubulala, engu-12 ngelokugebenga ngenhloso yokulimaza neminye engu-12 ngelinye icala elenzeka eDundee lokugebenga.

Umsolwa wesithathu u-Aphiwe Matiwane,20, ugwetshwe iminyaka engu-10 ngelokubulala nengu-10 ngelokugebenga ngenhloso yokulimaza.

“UMbhele uzodonsa iminyaka engu-25, uDlamini engu-20 kanti umatiwane yena uzodontsa engu-10,”kusho amaphoyisa ngesitatimende.

Ngomhlaka 15 Mashi 2015 umfundisi weZakheni Salvation Army uHamilton Zulu, 47, washiya ikhaya lakhe elibangise eNquthu ngoMsebenzi.

Endleleni wagibeza amadoda amahlanu ngaseDundeee ayecela ilift. Ngokuqhubeka kwendlela wabuye wathatha uJabulani Kheswa naye obelibangise eNquthu.

Behamba nalo mfundisi ngemoto yakhe yohlobo lwe-Avanza, uJabulani uthi bahlaselwa yilawa madoda amahlanu emotweni.

UJabulani wagwazwa amanxeba ambalwa walahlwa eduze komgwaqo kuthiwa ushonile.

Abasolwa bakhipha umfundisi esihlalweni sokushayela bahamba naye bebheke eGlencoe bamuphoqa ukuba akhiphe imali ebhange.

OLUNYE UDABA: Ugwetshwe udilikajele owadlwengula umfana eNtshangwe

Umndeni walo mfundisi waqala ukuthuka ngesikhathi uthola ukuthi akazange afike lapho ayeya khona abikela amaphoyisa ngokulahleka kwakhe.

Ngomhlaka 23 kuyo leyo nyanga, imoto yakhe yatholakala ilahlwe endaweni yaseNyanyadu.

Umzimba kaZulu wona watholakala eGlencoe ngemuva kokukhonjwa wumsolwa oyedwa.

Kwavulwa icala lokubulala kwaboshwa abasolwa abahlanu.

UJabulani owasinda kulesi sigameko uyena uwayengufakazi oqavile. Abaoslwa ababili badedelwa betholakala bengenacala kwagwetshwa laba abathathu.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.