'Bangase bathole ukuphefumula abashayeli bezimoto'

2017-02-15 16:00

Cape Town – I-Automobile Association (AA) ilindele ukuba amanani kaphethiloli ehle ngamasenti amathathu kuya kwamane ilitha ngoMashi kulandela ukwenyuka kwawo ngo-29c ilitha ngoFebhuwari.

Umthelela wokwenyuka kwamanani kawoyela emhlabeni uthikanyezwe ukuqina kwerandi, kuchaza i-AA.

Irandi beliqinile, njengoba belingu-R13.02 uma liqhathaniswa nedola laseMelika ngo-11:25 ekuseni ngoLwesithathu.

I-AA ibiphawula ngezibalo ezingaqinisekisiwe zamanani kawoyela ezikhishwe yiCentral Energy Fund maphakathi nenyanga.

OLUNYE UDABA: INokia izobuyisa i-3310 yodumo

"Phakathi nenyanga kaFebhuwari, amanani kawoyela enyuke ngamasenti angu-12 ilitha emhlabeni, kanti ngaso lesi sikhathi irandi beliqinile uma liqhathaniswa nedola laseMelika,” kusho i-AA.

I-AA ithe uma kungenzeka okuthile okungadala ukwenyuka kwamanani kawoyela njengamanje noma irandi liphelelwe ngamandla, isimo singashintsha kakhulu kunalokho okulindelekelile.

"Ngaphansi kwesimo esikusona njengamanje, singaqagula ukuthi maningi amathuba okuba amanani kaphethiloli ehle ekupheleni kwenyanga,” kusho i-AA.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.