Bavele enkantolo abakhokhelwa umasipala u-R10.6m esikhundleni sika-R1.6m

2017-10-06 16:03

Siyabuswa – Owesilisa kanye nomkakhe bavele eNkantolo yesiFunda eSiyabuswa, eMpumalanga ngoLwesine, ngemuva kwezonsolo ezithi bakhokhelwa ngumasipala ngephutha imali engu- 10.6-million, esikhudleni sika-R1.6-million, okwakumele bakhokhelwe wona ngomsebenzi wokwakha abawenzela umasipala wendawo.

UGeorge noMaria Mabaso ababuzwanga ukuthi bayalivuma yini icala eligcine ngokuba lihlehliselwe umhlaka-9 Novemba ukuze ummeli wabo ezothola imininingwane ngecala.

Lezi zithandani zadedelwa ngebheyili ka-R10 000 umuntu emunye ngesikhathi zivele okokuqala enkantolo ngenyanga edlule.

NgoLwesine, okhulumela oKlebe eMpumalanga, uCaptain Dineo Sekgotodi, uthe izithandani zakhokhelwa ngokweqile ngemuva kokwakha idamu lamanzi endaweni ngenyanga edlule.

OLUNYE UDABA: Kutholakale isalukazi sishonile endlini

“Bakhokhelwa ngephutha imali engu-R10.6-million eyafakwa kwi-akhawunti yebhizinisi labo, nokuthe uma umasipala esezama ukuyilanda imali, kwase kungekho lutho kwi-akhawunti,” kusho uSekgotodi. 

“Uphenyo lwethu luveza ukuthi ngokuhamba kwesikhathi imali bayifaka kwi-akhawunti yabo yangasese, bathenga ngayo izinto zebhizinisi labo."

Kuthiwa lezi zithandani aziphikanga emaphoyiseni ukuthi zakhokhelwa imali engaphezu kwaleyo okwakumele ziyithole.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.