Bayitshele ezikabhoqo iMeya yaseJozini emhlanganweni womphakathi

2017-09-28 07:00

eJozini - Bayitshele kwezikabhoqo iMeya, uDelani Mabika, bathi kumele yenze imizamo yokuthola amanzi kanye nokuqedwa kwezidakamizwa emphakathini.

Izakhamuzi zasendaweni yaseMzondi eJozini zimenywe emhlanganweni ohlelwe wumasipala wendawo lapho kuvele khona ukuthi ziningi izinkinga ezikhona emphakathini.

Izakhamuzi zikhale kakhulu ngokwentuleka kwamanzi, izidakamizwa kanye nokungabibikho kwezinhlelo okuhloswe ngazo ukuthuthukisa umphakathi.

UMsawakhe Sithole obengomunye wamalungu omphakathi abanikezwe ithuba lokuphawula, ubedinwe ethuthumela ekhomba ngisho amanzi asetafuleni lezikhulu zikamasipala.

“Meya ngeke bukani nje nina niphuza amanzi ekhethelo kodwa thina la eMzondi asinalao ngisho iconsi leli, singakhala kubani uma singakhali kuwe.

OLUNYE UDABA:UMengameli weCosatu uphika imibiko ethi 'uhlabe ikhefu lokugula'

“Sicela usisize ngempela ngoba sizofa phela masingawatholi amanzi. Ayaphela amasonto singenawo amanzi, uwena okumele wenze imizamo yokubhekelela abantu bakho,” kusho uSithole.

Ngesikhathi yethula inkulumo yayo, iMeya ithe zikhona izinhlelo abanazo zokuhlinzeka umphakathi wakule ndawo ngamanzi.

UMabika ubuye waveza nokuthi zikhona izimali esebezibekwe eceleni ukuze bakwazi ukusiza intsha ithuthukise amakhono yikhona kuzogwemeka ukuthi ingaweli ekudleni izidakamizwa.

NEXT ON NEWS24X

AB praises selfless skipper

2010-11-21 18:15

Inside News24

 
Most Read
News In Your Area
Top Lifestyle
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.