Bazobuyela enkantolo abasolwa ngokubulala iphoyisa e-KZN

2018-03-10 13:11

Durban – Amadoda amabili asolwa ngokubulala iphoyisa, uCaptain Dumisani Mhlanzi, kulindeleke ukuba abuyele eNkantolo yeMantshi yaKwaMaphumulo ngoMsombuluko.

UMteleseni Mathonsi, 26, noBheki Sibiya, 39, bavele kafushane enkantolo ngoLwesihlanu, lapho icala labo elifike lahlehliswa khona.

Laba baboshwe ngoLwesithathu ngesikhathi amaphoyisa egasela ehostela KwaMashu.

Kuqubuke impi yezulu lezandla, kwaphetha ngokuthi abanye abasolwa abathathu basale othulini.

Ukuboshwa kwabo kuza ngemuva kokuthi isigejane samadoda saphanga isitolo esiKwaMaphumulo ngomhlaka-23 Febhuwari. Kwathi abasolwa sebebaleka endaweni yesigameko, bavulela ngenhlamvu kwadubuleka uMhlanzi owayengekho emsebenzini ngaleso sikhathi.

OLUNYE UDABA: Zimkhalele osolwa ngokubulala iphoyisa, walimaza nelinye

UMhlanzi, 54, waphuthunyiswa esibhedlela lapho afike ashonela khona. Ungcwatshelwe eMsinga, KwaZulu-Natal, ngempelasonto edlule.

UNgqongqoshe wamaPhoyisa uBheki Cele ukushayele ihlombe ukuboshwa kwabasolwa.

"Amaphoyisa azoqhubeka nokuqinisa isandla kulezi zigebengu eziyingozi, kumele zihlukane nobugebengu kungenjalo zizozisola. Umfutho wamaphoyisa usuwengezekile manje," kusho uCele.

UKhomishana wamaPhoyisa kuzwelonke uGeneral Khehla John Sitole naye uwuncomile umsebenzi omuhle wamaphoyisa.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.