BUKA: Iphoyisa lilungisa inkinga ye-DStv emsebenzini, liziba amalungu omphakathi

2017-10-04 14:01

Johannesburg - Lingase lingene enkingeni iphoyisa elilibale ukulungisa inkinga ye-DStv yalo esikhundleni sokuba lisize ilungu lomphakathi ebelifike esiteshini samaphoyisa.

Amaphoyisa aseGauteng aseqalise uphenyo kulandela ukuthi leli phoyisa libonakale kwi-video ezungeza ezinkundleni zokuxhumana lishaya indiva ilungu lomphakathi, liqhubeka nokulungisa inkinga ekhona nge-DStv yalo.

Kule video, ethathwe eBuccleuch engaphansi kweSandton, eGoli, itshengisa leli phoyisa lingenandaba nophambi kwalo, limatasa likhuluma ocingweni lilungisa i-akhawunti yalo yakwaMultiChoice.

Leli phoyisa lizwakala lifundela lo muntu elikhuluma naye ocingweni izinombolo ze-akhawunti ngenhloso yokuthola usizo.

"Yebo, ngifuna ixhunywe ngoba inginikeza inkinga. Nithatha imali yami ekubeni le nto ingasebenzi," kusho leli phoyisa.

Buka nansi i-video ngezansi:


Okhulumela amaphoyisa aseGauteng, uBrigadier Mathapelo Peters, uthe ibamba likaKhomishana wamaPhoyisa esifundazweni uMajor-General Nombhuruza Napo uyazi ngale video futhi uzwakalise ukukhathazeka.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.