BUKA: Kubulawe unogada kubanjwa inkunzi imoto yemali eGoli

2018-04-20 07:30

Johannesburg - Kubulawe unogada kwalimala omunye nabanye abantu ngesikhathi kubanjwa inkunzi iveni lemali eKlerksdorp ngoLwesine ekuseni.

Okhulumela oKlebe uCaptain Tlangeleni Rikhotso uthe isigameko senzeke ngezithuba zabo-11:30 ekuseni.

Kuhlaselwe iveni lakwa-G4S Cash Solutions ngemuva kokulanda imali ebhange, iStandard Bank, ekhoneni likaKock no-OR Tambo Street.

Izigebengu, ebezihlome ngezibhamu, zebe isamba semali esingadalulwanga. "Kwenzeke ngokushesha ngemuva kokuba belande imali ebhange kanti bazohlaselwa."

OLUNYE UDABA:BUKA: Konke okwenzekile kubanjwa inkunzi imoto yemali

URikhotso uthe izigebengu zidubule emoyeni zaphoqa onogada ukuba bavule iveni ngemuva, ngaphambi kokubadubula eduze.

Kushone unogada oyedwa omunye waphuthunyiswa esibhedlela. Umshayeli yena akazange alimale.

Kulimale nomunye wabantu abebebukele ngesikhathi kuqhubeka isigameko, naye uphuthunyiswe esibhedlela. "Konke kwenzeke ngokushesha," kusho uRikhotso.

I-video ezungeza ezinkundleni zokuxhumana itshengisa izigebengu ezimbili ziphusha inqola egcwele imali ziyoyifaka evenini yazo yohlobo lwe-Toyota.

Kwenye i-video nayo esenkundleni yezokuxhumana, ozibonele isigameko uthi isibhamu siqhume amahlandla angu-50.

 - Tiwtter/amavideo nezithombe:

 - TimesLive

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.