Buka: Ngabe wayebukhile yini uNgqongqoshe kwi-SONA?

2017-02-14 19:32

Johannesburg - Kuzungeza i-video ezinkundleni zokuxhumana kaMengameli we-ANC Women's League (ANCWL) uBathabile Dlamini eshiye iningi lizibuza ukuthi ngabe ubecwile ezinkambini zikaFaro yini ngesikhathi uMengameli Jacob Zuma ethula inkulumo yesizwe i-State of the Nation ePhalamende ngoLwesine olwedlule.

Le video esatshalaliswe kuFacebook nguLux Gadl'land, isibukwe ngabantu abangaphezu kwabangu-200 000, abanye bethuka kanti abanye bephawula bethi ungqongqoshe ubukeka ephuzile.

OLUNYE UDABA: Masizithibe kwezikaFaro – Dlamini

Kule video, uDlamini uvela ebuzwa imibuzo yintatheli, ehlafuna ushingamu, aphinde azame nokuvala amehlo.

Yize iningi lithi ubukeka ephuze amanzi amponjwana abanye bathi ubukeka engumuntu okhathele noma ogulayo.

Ngenyanga ephelile uDlamini waba ngundabamlonyeni ngemuva kwezinsolo zokuthi wakhuluma nomphakathi emcimbini edle amanzi amponjwana.

Abantu ababekulo mcimbi bathi ungqongqoshe wayengakwazi ukuma nokuhlala kahle phansi njengoba ayezimelela ngenduku yombhobho wokukhuluma.

Ngemuva kwezinsolo, uLumka Oliphant okhulumela ungqongqoshe wavikela umphathi wakhe enkundleni yezokuxhumana uFacebook wathi: "Ungqongqoshe akabuthinti utshwala, empeleni uyabuzonda. Ukube kuya ngaye ngabe abuphuzwa nhlobo eNingizimu Afrika."

I-ANCWL nayo yayigxeka imibiko yathi, inobufakazi be-video eyaqoshwa ngosuku lomcimbi etshengisa ukuthi uDlamini wayengumqemane waze waphela umcimbi.

IVIDEO:

 - The Citizen

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.