Cape Town – Umculi waphesheya ongaconsi phansi kubalandeli, uJustin Bieber, usebalwe njengomsolwa embikweni wamaphoyisa ngezinsolo zokuthi washaya owesilisa ngoJuni, kunyaka ka-2016.
Lesi sigameko saqoshwa ngekhamera; kanti iTMZ kwaba ngeyokuqala ukuthi ikhiphe i-video yalesi sigameko.
OLUNYE UDABA: Isoka 'lidephune' udebe lwentombi inqaba ukwenza ucansi nalo
Kule video kubonakala lo mculi wodumo lwengoma esihloko sithi Sorry ebambene ngezihluthu nowesilisa obonakala emkhulu kunaye ngaphandle kwehhotela iCleveland.
Ngokwe-TMZ lo mlisa osolwa ngokuba yisisulu utshele amaphoyisa ukuthi uBieber wahlwitha izibuko zakhe maqede wazigqoka, nokwathi uma ethi uzama ukuthatha isithombe noBieber, lo mculi oneminyaka engama-22 ubudala wavele wavuka indlobane maqede wagadla kusona.
Zibonele i-video lapha:
