EBHALELWE UMHLELI: Akwenziwe isifundo ngababanjwe bukhoma ngamakhamera kowePirates

2017-02-13 11:32

Mhleli,

Siyadumaza isigameko esenzeke emdlalweni obuseLoftus Stadium ngoMgqibelo sokuziphatha kwabalandeli be-Orlando Pirates ngesikhathi bevuk’injebomvu bengena enkundleni kuqhubeka umdlalo.

Ukubona umlandeli oqavile waleli qembu owaziwa ngelikaMakhalanjalo, enqamula izintambo eziphaka isithombe ukuze iSuperSport ikwazi ukusakaza bukhoma lo mdlalo.

Lesi senzo sidumaze kakhulu futhi silethe isithombe esibi kubaxhasi nababukeli abebebukele lo mdlalo umhlaba wonkana.

Umbuzo wami uthi; Kuzokwenzakalni ngoMakhalanjalo ngoba phela uthathwe bukhoma yikhamera egila lo mkhuba?

Ngokwami ukuze abanye bezofunda isifundo, uMakhalanjalo kumele zimkhalele.

Phesheya kwezilwandle uma umlandeli ebanjwe kumabonakude enza into ephambene nefaka iligi ehlazweni, uyaye aboshwe athole isigwebo esinzima sokungaphinde angene enkundleni.

I-PSL namaphoyisa mayiyisukumele le nto kwenziwe isibonelo, okungenjalo izimo ezinjengesangoMgqibelo ngeke ziphinde ziphele.

Kuyadumaza ukuthi kusazophenywa ekubeni iqeqebana lithathwe bukhoma ngamakhamera lenza ububi.

Ngiyabonga,

VDot Mhlaziyi Ndlovu

Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.