Ezimnandi kumqeqeshi wamaZulu FC

2017-11-21 11:00

Durban - Ezimnandi kumqeqeshi wamaZulu FC njengoba ezakhe zizoya emdlalweni we-Absa Premiership neKaizer Chiefs ngoLwesithathu ngo-19:30 eKing Zwelithini Stadium, eMlazi, sekubuye abadlali bakhe abamqoka abebelimele.

Lokhu kuvele ngesikhathi ILANGA linengxoxo noCavin Johnson ocija le kilabhu ephethwe nguDkt Patrick Sokhela.

UJohnson uthi kungenzneka agijime lo mdlalo ngo-Ovidy Karuru, u-Augustine Ramphele noSadate Ouro Akoriko waseTogo abebenokuthinteka kodwa asebeluleme.

Uthi uTapelo Nyongo usazohlala ngaphandle ngoba akakalulami. 'Ngisizakele kakhulu ngekhefu esibe nalo ngoba ngikwazile ukuhlanganisa abafana ngendlela engiyifunayo. Sibe nemidlalo eminingi yobungani esisize ukuzigcina sisesimweni esihle.

"Ngesikhathi sidlala ngokulingana neBaroka FC sidlale ngendlela ehlelekile. Yingakho nakoweChiefs kumele sibalole abadlali ngokuhlasela ngendlela ehlukile.

OLUNYE UDABA: USuthu lubhaxabule iSundowns ekhaya

"Ngeke ngiqambe amanga unzima umdlalo wethu neChiefs kodwa engikwaziyo uyefana neminye imidlalo. Abadlali nginesiqiniseko sokuthi bazofela ensimini. Sizokhombisa into yamehlo.

"Sizowalungisa wonke amaphutha esiwenze ngesikhathi sibhekene nayo iChiefs koweTelkom Knockout. Okumqoka kakhulu engikutshele abadlali wukuqedelela umsebenzi phambili uma sebakhe amathuba," kusho uJohnson.

UJoseph Molangoane odlala emuva kwiChiefs uthi bazimisele ngokubuyisa isithunzi sabo ngamaZulu.

"Okwenzeke emdlalweni weTelkom lapho sikhishwe khona yiBidvest Wits sesidlulile kukhona sesibheke lo mdlalo woSuthu. Kona kusiphathe kabi kodwa impilo kufanele iqhubeke.

"Kulo mdlalo kuzofanele sikuqinisekise ukuthi siyawunqoba ukuze sibuyise isithunzi sethu," kuphetha uMolangoane.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.