I-AfriForum izoshushisa indodana kaZuma ngengozi yango-2014

2017-10-17 12:32

Pretoria - Uphiko oluzimele lokushushisa olungaphansi kwe-AfriForum selumemezele ukuthi umuntu wokuqala elizomshushisa nguDuduzani Zuma ecaleni lokubulala ngokungenhloso.

INhloko yabashushisi u-Advocate Gerrie Nel, yiyo ememezele lokhu namuhla ekuseni, eCenturion.

OLUNYE UDABA:I-NPA ithi iphoxekile ngendodana kaZuma

Isisulu, uPhumzile Dube, washona ngoFebhuwari 2014 ngesikhathi imoto kaZuma yohlobo lwePorsche ishayisana netekisi.

Yize kunjalo uphenyo lwathola ukuthi ubudedengu bukaZuma obaholela kule ngozi, iNational Prosecuting Authority (NPA) inqume ngo-Agasti 2015 ukuthi angeke ize imshushise.

Lo mndeni wathola u-R5 000 kusoseshini wamatekisi, asikho esinye isinxephezelo abaphinde basithola.

"Umndeni awukaze uphinde uthole esinye isinxephezelo," kusho uNel.

Uqhube ngokuthi bafuna ukuqinisekisa ukuthi wonke umuntu uyalingana phambi komthetho. "Ngokwethu akumele kube khona ukukhetha iphela emasini uma kushushiswa abantu."

UKallie Kriel we-Afriforum uthe: ''Akekho umuntu ongaphezu komthetho ngisho noma kungathiwa isibongo sakho ungowakwaZuma, noma ngabe ubaba wakho ungumengameli wezwe."



NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.