I-Ajax ifuna ukuwuletha eThekwini umdlalo wayo neChiefs

2017-02-17 14:01

Cape Town – I-CEO ye-Ajax Cape Town, u-Ari Efstathiou, ihlalele ethembeni lokuthi iPSL izoyivumela ukuthi ithathe umdlalo wayo neKaizer Chiefs iwusiyise eThekwini.

Ama-Urban Warriors angeke akwazi ukudlala umdlalo wawo eCape Town Stadium njengoba le nkundla izosetshenziselwa ukusingatha umcimbi womculo.

Ngenxa yalokhu, kube sekuvela imibiko ethi lo mdlalo ohlelelwe umhlaka-25 kuFebhuwari usuzodlalelwa e-Athlone Stadium, nokuyinkundla eseKapa.

OLUNYE  UDABA: Kuzomele siqhubeke nokuzithoba kulandela ukuwina - Tshabalala

Kodwa-ke njengoba kulindeleke isibalo esiphezulu sabalandeli, u-Efstathiou uthi ukuphepha kungase kube yinkinga e-Athlone Stadium.

Uthi njengoba neNewlands Rugby Stadium nayo izobe imatasa, ukuthuthela lo mdlalo ngaphandle kweKapa iyona kuphela indlela ekhona.

“Sizamile ukuxhumana nabezimo zezinhlekelele kanye namaphoyisa ngoLwesibili futhi bakuqinisekisa ukuthi angeke bawuvumele umdlalo ukuthi ube lapho (e-Athlone),” kuqhuba u-Efstathiou esithangamini sabezindaba ngoLwesine.

Lo mphathi we-Ajax uthi konke sekuku-PSL njengoba sebevele sebeyibhukhile inkundla iMoses Mabhida Stadium ngosuku lwangomhlaka-25 kuFebhuwari. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.