Kulindeleke ukuba kumenyezelwe isinqumo ngolukaZuma

2018-02-13 07:12

Johannesburg - Kulandela umhlangano othathe amahora angu-13, i-African National Congress National Executive Committee (ANC NEC) iqoke ukuba ikhiphe uMengameli Jacob Zuma e-Union Buildings.

Amalungu e-NEC aqale umhlangano wawo e-Irene ngezithuba zabo-14:00 ngoMsombuluko ntambama, kulandela isikhathi eside kuqhubeka izingxoxo phakathi kukaMengameli we-ANC uCyril Ramaphosa noZuma.

Umhlangano ophuthumayo wangesonto eledlule wahlehliswa ngemuva kwesimemezelo sikaSomlomo wePhalamende uBaleka Mbete sokuhlehliswa kwenkulumo ebhekiswe esizweni, iState of the Nation Address(Sona), okwakumele yethulwe ngoLwesine olwedule.

OLUNYE UDABA:Amaqembu aphikisayo afuna kuhlakazwe iPhalamende, kuyiwe okhethweni

Abezindaba i-EWN bathi ngesikhathi uRamaphosa noNobhala Jikelele u-Ace Magashule batshela uZuma ukuthi i-NEC ifuna ukuba esule esikhundleni sakhe noma uzosuswa kuso, wabatshela ukuthi abenze "abakubonayo".

I-NEC yabe isihlala phansi ibonisana yaze yaphuma nesinqumo sokuba imgudluze.

Imithombo ekwi-NEC itshele abe-EWN ukuthi uZuma wacela ukuhlala ehhovisi ezinye izinyanga ezimbalwa ukuze ezohambela umhlangano we-African Union nengqungquthela yeBrics (Brazil, Russia, Inida, China and South Africa).

Bathi abaholi benhlangano sebethathe isinqumo sokuthi uRamaphosa afungiswe njengoMengameli wezwe.

Akukaziwa ukuthi inhlangano izosimemezela nini isinqumo sayo.

 - Twitter:



NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.