I-CEO yakwaVodacom ithembisa u-500MB wamahhala kwabadlelwe ama-data

2017-08-23 20:43

Johannesburg – I-CEO yakwaVodacom, uShameel Joosub, ngoLwesithathu uthe lesi sikhondlakhondla senkampani yezokuxhumana sizonikeza wonke amakhasimende awo athintekile ngokudlelwa ama-data kungafanele, u-500MB  wama-data ngaphezulu kokukhokhelwa ama-data abedlekile.

“Leli phutha ngokucacile lidale ukuphazamiseka kumakhasimende ethu futhi sesisebenze kanzima selokhu silitholile ukwenza okufanele kanye  nokukhokhela wonke amakhasimende athintekile. Kodwa besifuna ukuqhubeka ngelinye igxathu ukuxolisa kanye nokubonga amakhasimende ethu ngokwethembeka kwawo, ngakho sesithathe isinqumo sokunikeza ikhasimende nekhasimende elithintekile ama-data angu-500MB amahhala angawasebenzisa ezinsukwini ezintathu,” uJoosub usho kanjalo esitatimendeni.

OLUNYE UDABA: Uthola usizo ngapha nangapha ophuthwe yi-bursary egilwa uVodacom

“Iphutha eliwulolu hlobo alikaze lenzeka ngaphambilini futhi sesithathe izinyathelo ukuqinisekisa ukuthi alenzeki futhi. Singathanda ukuqinisekisa wonke amakhasimende ethu ukuthi leli bekuyiphutha nje ngesikhathi kushintsha izinhlelo futhi akukho okungaphezu kwalokho. Sikholwa ukuthi amakhasimende ethu azowamukela lo mnyakazo, kanye nesixoliso sethu,” wengeze kanjalo.

UVodacom uthi inkinga yobuxhakaxhaka edle ama-data kumakhasimende awo amaningi ngoMsombuluko, idalwe ukuhlelwa kabusha kobuchwepheshe bale nkampani bokukhokhisa amakhasimende. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.