I-DA eKZN ifuna kuphenywe ukuthi baxwayiswa yini abantu ngesiphepho

2017-10-16 12:31

Durban – IDemocratic Alliance esifundazweni iKwaZulu-Natal ifuna uhulumeni aphenye ukuthi kwakukhona yini okwakungenziwa ukugwema ukushona kwabantu ngesikhathi kuhlasela isiphepho esifundazweni ngeledlule.

"Kudingeka uphenyo olunzulu ngokushesha futhi i-DA izolokhu imile ekutheni kumele aphekwe ngemibuzo uNgqongqoshe kanye nezikhulu eziphezulu.

"Ikakhulukazi, kuzomele kutholakale ukuthi kwakukhona yini okwakungenziwa ngaphambi kokuba isiphepho sifike, kugcine kugwemekile ukushona kwabantu,” kusho ilungu le-DA eSishayamthetho, uHlanganani Gumbi, ngoMsombuluko.

UGumbi uthe ubhalele uNgqongqoshe wezokuBusa ngokuBambisana kanye neziNdaba zoMdabu, uNomusa Dube-Ncube noMnyango wakhe, ecela umbiko ngezinhlelo zethimba lezinhlekelele zokuxwayisa ngokushesha abantu esifundazweni.

OLUNYE UDABA: Uvale ngentombazane ebulawe yashiswa eFolweni

"Iningi lezakhamuzi kufike isiphepho zingalindele. Kubalulekile ukuba kuthathwe izinyathelo ukuqinisekisa ukuthi okwenzeka akuphindeki ngokuzayo, njengoba abantu baseThekwini bengene engozini ngenxa yokwehluleka kukahulumeni ukubaxwayisa.”

UGumbi usishayele ihlombe isinqumo seKhabhinethi lesifundazwe sokuba isifundazwe sithathwe njengendawo yenhlekelele kulandela isiphepho.

"Lesi sinqumo sizokwenza ukuba kutholakale ezinye izimali kuhulumeni kazwelonke ukuze kusizakale abantu abaningi abakhahlanyezwe yilesi simo.”

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.