I-EFF izoqinisa ezokuphepha kulandela imibiko 'eyetulo lokubulala uMalema'

2018-04-18 18:00

I-Economic Freedom Fighters (EFF) isiqinise ezokuphepha ebuholini bayo ngemuva kokulunywa indlebe ngezinsolo zetulo elakhiwayo okuhloswe ukuthi kubulawe kulo umholi wayo uJulius Malema.

Yize iqembu lingazimisele ukudalula imininingwane mayelana netulo okuthiwa liyakhiwa, ngenxa yezizathu zezokuphepha, lithi amaphoyisa azisiwe ngalo.

I-EFF ithi izimisele ngokuvula icala esiteshini samaphoyisa kanti okwamanje isabhalele uNgqongqoshe wamaPhoyisa uBheki Cele incwadi imazisa ngezinsongo ezenziwayo zokubulala uMalema.

OLUNYE UDABA: UMalema noNgqongqoshe waseZim ‘bayasebenzisana’ ukuketula uMugabe – Umbiko

Esitatimendeni esikhishwe yiqembu, lithi lokhu kuza nje sekusele kancane liqumbe phansi i-ANC eNorth West kanti lezi zinsongo akumele zithathwe kancane.

Oyibamba lomkhulumeli waleli qembu kuzwelonke, uTebogo Mokwele, uthe: “Ngeke sikwazi ukudalula ukuthi ezokuphepha zethu zisebenza kanjani, kepha esizokwenza thina wukuthi siziqinise.

"Lokhu ngeke kwenziwe kuphela kuMalema, kepha kuzokwenziwa ebuholini bonke beqembu. Umnyango wezokuphepha umatasa namalungiselelo."

Isitatimende:

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.