I-IEC inxusa abantu ukuba babhalisele ukuvota

2018-03-10 11:21

Johannesburg - I-Independent Electoral Commission (IEC) isinxuse abantu baseNingizimu Afrika ukuba baphume ngobuningi babo bayobhalisela ukuvota ezikhungweni ezingasemakubo, njengoba kuqala umkhankaso wokubhalisa.

IPhini likaSihlalo wekhomishana yokhetho, uTerry Tselane, uthe amaqembu ezombusazwe kungumsebenzi wawo manje ukuqinisekisa ukuthi abantu babhalisela ukuvota njengoba kuza ukhetho lukazwelonke ngonyaka ozayo.

UTselane ubekhuluma nabezindaba eSoweto.

OLUNYE UDABA: Baningi abaseKZN abanamakheli angahlelekile - IEC

UMengameli Cyril Ramaphosa utheleke eHitekani Primary School, eSoweto, lapho eyobheka khona ukuthi ngabe konke kuhamba kahle na mayelana nemininingwane yakhe yokuvota, kwachwaza.

"Isikhulu sakwa-IEC singisize kakhulu ngaphakathi ekutheni siqinisekise imininingwane yami nokuthi ngabe ngineminyaka engaphezu kuka-18 yobudala," kusho uRamaphosa esephuma ngaphakathi esikhundweni sokuvota.

Uthe lokhu kuyena kufana nokubuyela ekhaya, ngoba wakhulela eSoweto.

Khonamanjalo, uTselane uthe i-IEC yenze konke okusemandleni ukulungiselela le mpelasonto, wathi manje okuningi sekusezandleni zamaqembu ezepolitiki ukuba anxenxe abantu ukuba bayobhalisa.

“Siqhube ukhankaso omkhulu ngenhloso yokufinyelela ebantwini abaningi. Kepha manje-ke konke kulele kumaqembu ezombusazwe ukuba akhankase abantu ekutheni babhalise."


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.