I-SABC, uMotsoeneng noTebele bayalelwe ukuba bakhokhe izindleko zecala lezintatheli

2017-09-08 12:29

Johannesburg – INkantolo yezabaSebenzi eGoli inqume ukuthi lowo owayeyisikhulu sakwaSABC uHlaudi Motsoeneng, owayeyinhloko yezindaba uSimon Tebele kanye neSABC kumele bakhokhe izindleko zecala elalimayelana nokuxoshwa kungafanele kwezintatheli ezingu-8 zakwaSABC.

USuna Venter, Foeta Krige, Krivani Pillay, Thandeka Gqubule, Busisiwe Ntuli, Lukhanyo Calata, Vuyo Mvoko noJacques Steenkamp baxoshwa kwaSABC ngoJulayi 2016 ngokuphikisana kwabo nesinqumo sikaMotsoeneng sokuba kungaphinde kusakazwe imibhikisho enodlame.

Izintatheli eziyisikhombisa kulezo ezingu-8 zaphinde zaqashwa kabusha ngokuhamba kwesikhathi.

OLUNYE UDABA: OwezeMfundo uthi awunazo ziinhlelo zokubhekana nokuphazamiseka kokufunda

ISABC, uMotsoeneng noTebele kuzomele bakhokhele iSolidarity neBemawu, ababemele izintatheli ezaxoshwa enkantolo.

UMotsoeneng wakhishwa esikhundleni sakhe ngemuva kokuba iNkantolo eNkulu yokuDluliswa kwamaCala ngoSepthemba 2016 isichithile isicelo sakhe sokuphikisa isinqumo seNkantolo eNkulu yaseWestern Cape esithi waqashwa kungafanele, ngakho kumele axoshwe.

NgoJuni, iSABC yamemezela ukuxoshwa kukaMotsoeneng ngemuva kokuba ikomidi eliqondisa izigwegwe ngaphakathi limthole enecala lokufaka ehlazweni iSABC nangokudala umonakalo ongeke usalungiseka.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.